[ad_1]
( प्रगत भारत । pragatbharat.com)
जायफळाचे गुणधर्म
जायफळामध्ये विटामिन बी६, फोलेट, मॅग्नेशियम, फायबर, मँगनीज, कॉपर, थियामिन आणि मॅक्लिग्लॅन नावाचे घटक असून पोटाच्या समस्येपासून दूर राखण्यास मदत करतात. अनेकांना बद्धकोष्ठतेचा आणि अपचनाचा त्रास असतो यासाठी घरगुती उपाय म्हणून जायफळाचा उपयोग करून घेऊ शकता. जायफळ पोटासाठी कशा पद्धतीने उपयोगी ठरते जाणून घ्या.
अपचनावर गुणकारी ठरते जायफळ
सध्या जेवणाची योग्य वेळ न राहिल्यामुळे अनेकांना अपचनाची समस्या निर्माण होते. यासाठी जायफळाचा उपयोग करून घेता येतो. पचनसाठी योग्य घटक म्हणून जायफळ काम करते. अपचनाची समस्या सोडविण्यासाठी जायफळाची पावडर तुम्ही कॉफीमध्ये घालून पिऊ शकता. यामुळे शौचाला साफ होण्यास मदत मिळते.
(वाचा – शाकाहारी पदार्थ ज्यामधून मिळेल अधिक प्रमाणात प्रोटीन, High Protein साठी करा वेळीच खाणे चालू)
गॅससाठी जायफळ
पोटात निर्माण झालेल्या गॅसमुळे पोटदुखी थांबत नाही. गॅस होण्याचे मुख्य कारण म्हणजे पोटातील अन्नाचे पचन नीट न होणे. जायफळ हो पाचक म्हणून काम करते आणि पचन प्रक्रियेसाठी अधिक गुणकारी ठरते. यामुळे पोट फुगणे अथवा पोटदुखी, पचन न होण्यासारखी समस्या निघून जाण्यास मदत मिळते.
(वाचा – ६ कारणांमुळे हृदयासाठी गरजेचे आहे विटामिन डी, रक्तदाब ठेवते नियंत्रणात)
बद्धकोष्ठतेसाठी जायफळ
बद्धकोष्ठता अनेक कारणांनी होते. यासाठी खाण्यात अधिक प्रमाणात फायबरयुक्त आहार घेतला पाहिजे, ज्यामुळे मलत्याग होण्यास सोपे होईल. बद्धकोष्ठता झाल्यास, सकाळी उपाशीपोटी जायफळ पावडरचे सेवन करण्याचा आयुर्वेदातही सल्ला देण्यात येतो.
(वाचा – पावसाळ्यात उद्भवतो कानाचा संसर्ग; जाणून घ्या प्रतिबंधात्मक उपाय)
पोटातील अल्सरवर उपाय
पोटात होणारी जळजळ अथवा होणाऱ्या पुळ्यांना अल्सर असे म्हटले जाते. ज्याला पेप्टिक अल्सर असेही नाव आहे. यासाठी जायफळ हा उत्तम उपाय ठरतो. गरम पाण्यात जायफळ पावडर मिक्स करून पिण्यामुळे अल्सरचा त्रास निघून जाण्यास मदत मिळते.
कसे करावे जायफळाचे सेवन
How To Consume Nutmeg: जायफळाचे सेवन करणे अजिबात कठीण नाही. यासाठी तुम्हाला केवळ जायफळ किसून त्याची पावडर करून घ्यायची आहे.
त्यानंतर सकाळी उठल्यानंतर उपाशीपोटी गरम पाण्यात तुम्ही जायफळ पावडर अगदी चिमूटभर अथवा पाव चमचा मिक्स करा अथवा कॉफीमध्ये जायफळ पावडर मिक्स करा आणि याचे सेवन करा. मात्र जायफळाचे सेवन करण्यापूर्वी आपल्या डॉक्टरांचा सल्ला घ्यायला विसरू नका.
टीप – हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा
[ad_2]
